هى دى الرباية ولا بلاش لو سيادتك ربنا كرمك و و اتجوزت و كونت اسرة فى خلال بتاع عشرين سنة كده من دلوقتى
.
على افتراض ان انت شاب زى الورد كده بتاع خمسة و عشرين سنة دلوقتى و لازم تخطط للجواز
.
دا انت تبقى الحاجة والدتك راضية عنك لوعرفت تحوش تمن كافة شىء خلال المدة دى
.
من اول دبلة الخطوبة لحد اثاث الشقة... ناهيك طبعا عن الشقة نفسها
.
و ما ادراك ما الشقة التمليك و سعر الشقة التمليك و اقساط الشقة التمليك
.
و اوعى خيالك المريض يصورك شىء اسمه الايجار الجديد
.
لان بنتنا مش بايرة و فى غيرك طوابير يا كلب
.
ما علينا
.
.
.
اديك اهو اتجوزت و كملت نص دينك فأهم حاجة تحطها حلقة فى ودنك
.
هى اسرتك الصغيرة
.
واولادك
.
.
اولادك اللى لازم تحطهم فى عنيك و تربيهم
احسن رباية
.
.
.
لازم تحطهم فى مواقف صعبة لتعلمهم الاعتماد على النفس
.
.
.
و ان ابدوا استجابة و حسن تصرف....حطهم قى مواقف أصعب.
.
.
الاطفال كائنات جميلة ولازم تعلمهم كل شىء جديدفالتعليم فى الصغر كالنقش ع الحجر
.
.
.
و برضه هتتفاجأ و هتلاقى نفسك بتتعلم منهم حاجات جديدة .
.
.
[center]
"اكفى القدرة على فمها تطلع البنت لأمها"
و برضه
"الأم مدرسة....لعب...و فن...و هندسة"
.
.
.
و يبقى أهم حاجة فى الاسرة الترابط....و روح الفريق
.
.
.
.
بجد مش هزار
مش عارف كل اللى بيتجوزوا دول بيتخيلوا هيعملوا ايه مع ولادهم و لا لأ.. لأن التربية دى شىْ فظيع و مسئولية رهيبة انك تكون مسئول عن صياغة افكار و شخصية بنى ادم ممكن يكون عالم و ممكن يكون برضه مجرم
المشكلة ان الاب و الام نفسهم ممكن يكون عنهم مشاكل محتاجين يعالجوها فى شخصياتهم و فى علاقاتهم ببعض قبل مايفكروا ينشأوا طفل و ألا المشاكل دى هتنعكس عليه انعكاس منيل بنيلة
و المصيبة الاكبر ان التربية مابقتش جاية من الاب و الام و المدرسة بس
لان التلفزيون اصبح بيربى و الكومبيوتر اصبح بيربى و النت اصبح بيربى حتى الموبايل.. الموبايل يا ناس اصبح له اثره الخطير ع العيال
.
.
.
.
مع تمنياتى لكل من اتجوز او خطب جديد و كل اللى هيتجوز قريب
و ربنا يتولانا جميعا
[/center]
السبت نوفمبر 24, 2007 1:51 pm
