هيظهر أول نافذه في عملية التثبيت ، تطلب مننا تحديد لغة الماسنجر بلاس هنختـار اللغه العربيه ، وبعدين ندوس التالي .. كما هو موضح بالصورة التاليه
تاني نافذه هتظهرلنا .. هيكون فيها مسار التثبيت ، وإتفاقيات الإستخدام هنسيب المسـار زي ماهو في البروجرام فايل .. أما في إتفاقيات الإستخدام هنرفض إعطاء الدعم للبرنامج الراعي .. لانه بيطلع إعلانات بوب أب بتظهر فجأه كده مش كويسه .. فهنرفض إعطاء الدعم
بعد كده هايجلنا نافذة هتوضح بأن عملية التثبيت شغاله وهتكون بالشكل ده
-----------------------------------------------
بكـده يبقة أحنـا أنتهينا من عملية التثبيت الاولي للماسنجر بلاس في أول دخول علي الماسنجر بعد التثبيت الأول للماسنجر بلاس هيظهرلنا نافذة أسمها مشكل الاعدادات .. ودي هتكون فقط كبداية لكن مش كل حاجه في الماسنجر بلاس وهنضغط علي التالي
الصورة اللي فاتت دي هي تاني نافذة هتظهـرلك هيكون فيها تلت إختيارات
الإختيار الأول هو عبـاره عن تسجيل المحادثات بتاعتك في شكل تيكست بأسم كل إيميل أنت كلمته .. كل كلمه قولتها او قالها اللي بتكلمه بتتسجل في فايل ممكن ترجعله وقت ما انت عايز .. والماسنجر بلاس بيشيل المحادثات بتاعت كل شهر في فولدر برقم الشهر والمحادثات دي مكانها بيكون في My Documents وهيكون أسمه الفلودر سجل محادثاتي فلو عايز تسجل محادثاتك بتضغط علي المربع الصغير اللي جنب الاختيار الاول ولو مش عايز تسجل محادثاتك بتشيل العلامه الصغيره
تاني إختيار مهم جـدا لو أنت مش لوحدك بتقعد علي جهاز الكمبيوتر .. وهو أنك بتعمل باص وورد للمحادثات المتسجله في سجل محادثاتك .. ومحدش يقدر يفتح الفايل غيـر لما يحط الباص وورد هتدوس علي ضع كلمه سـر .. وهيظهرلك نافذه صغيره هتكتب فيها الباص وورد وتعيده تاني في تاني مستطيل .. وبكده هتظهرلك علامه القفل علي كل المحادثات .. ومحدش هيفتحهـا غيرك
تالت إختيار .. بيكون عباره عن تسجيل النشاطات اللي حصلت وانت مش علي الجهاز يعني فلان او فلانه عمل تسجيل الدخول الساعه كام بالظبط ، ومين عمل مشغول ، او مين عمـل بالخارج وتحديد اوقات كل حاجه حصلت لو حتي حد غير الـ سكرين نيم هيقولك غيره في الوقت كذا وانت مش موجود علي الجهاز .. وهنشرح مستقبلاً هنعرف ده منين
------------------------------------------
تالت نافذه هتظهر هيكون شكــلها كالتالي
أول إختيار ده هنشرحه بالتفصيل في حلقات جايه .. وهو عباره عن أرسال أصوات تعبيريه من الماسنجر ، او مقاطع اغاني أو صوت أنت مسجله من المايك من خلال الماسنجر .. وسيتم الشرح بالتفصيل في حلقات قادمه
تاني إختيار .. لو علمت علي الاختيار التاني .. ده هخيلي أي ملف يتبعتلك من أي حد عندك علي الايميل يعمل موافقه أتوماتيكياً .. يعني لو حد بعتلك ملف صورة مثلا هيتعمل Accept أتوماتيك وفي حلقات جايه هنحدد بالظبط أننا ممكن نحدد مين اللي الماسنجر يقبل منه الفايلات اتوماتيك ومين اللي لازم نوافق علي الفايل المرسل منه
تالت إختيار برضو إختيار مهم أوي .. وهو أسمه الحمايه من الرئيس وده بيكون اختصار علي الكي بورد بتعمله ، لو اي حد جيه فجأه عليك ، لو عملت الاختصـار ده بيخفي جميع المحادثات وبيخفي الماسنجر ، ولا كأنك فاتح ماسنجر ولا كأنك كنت بتتكلم وبيكون شكل الماسنجر بالشكل ده وتقدر ترجع كل حاجه زي ما كانت من تاني .. بالضغط علي الايقونه اللي ظاهره جنب الساعه وتقدر انت تحدد الاختصـار اللي أنت عايزة بأنك تكتبه في المستطيل اللي تحت خالص ده أو تسيبه للوضع الافتراضي وهو كنتـرول مسطرة
------------------------------
اللي اللقاء في الحلقه القادمه وكيفيه عمل النيكنيمز أو الـ سكرين نيمز
الجمعة أبريل 06, 2007 1:02 pm
